Kuguma mu rukundo rwa Yesu Kristo : ubutumwa bwo ku wa 24/03/2018

Kuguma mu rukundo rwa Yesu Kristo.

Ic’Imana yakoze mu bugingo bwacu nikintu gikomeye cane. N’ikintu cinkora mutima, kidukorako wese uwamaze gutahura. Nicogituma ishaka twakire ugwo rukundo , turubemwo nagwo rutubemwo kandi tugwamane. Kuko urufise ntarabisha amaso y’umubiri canke ngo yumvishe amatwi y’umubiri, ahubwo Mpwemu Yrea niwe akwereka kandi akagutahuza. 1 Samweli 18: 1-4 Yonatani yarabisha Dawidi amaso yo mri Mpwemu, nico catumye amukunda akaramata. Ariko siko Sauli nawe yamubona. Abantu benshi ntibakunda Yesu, ahubwo bakunda ivyabaha. Bashaka imigisha , ibitangaza  n’ibindi… Nico gitma igihe yakurikigwa n’isinzi ry’abantu, umusi 1 yarabagejeje arababwira ati munkurikira kuko nabahaye imikate, bose bamenya kwabatoye, barayombayomba baragenda, hasigara 12 nabo nyene abaravye mumitima abona bagiye. Arababaza ati mbega namwe mugomba kwigira. Ariko barambwira bati twokuvako tukaja hehe??

Matayo 19: 27-29 Petero yabajije Yesu Kristo ati none twebwe abahevye vyose tuzoshumbushwa iki? Yesu aramubwira ati bazobishumbushwa umurengera kandi bahabwe ubugingo budashira. Nico gituma igikwiriye suko twosenga turondera mubiganza vyiwe ivyaduha ahubwo nuko tworondera munyonga ziwe, kuko urondeye munyonga ziwe ugwiza ubucuti nayo kandi ikaguha n’ibiri mubiganza vyayo.         Zaburi 27: 8-10 Nico gituma Dawidi yishuye Uhoraho atoi mu nyonga zawe ndaharondera Uhoraho , kuko yahoze ari umutabazi wanje. Niho ugwiriza  ubucuti n’Imana , ikaguha ubwenge bw’ingene witwara muri runo rugendo trimwo ruja mw’ijuru. Uba umukundwa wayo kuburyo harivyo igukorera wewe ubwawe, ataruko yabikoreye n’abandi. Kuko mubiganda vyayo, igwishiriza imvura ababi n’abeza. Hari kugiraneza kwiharije Imana igirira abayikunda. Urukundo Imana idushakako n’amajambo avanze n’ibikogwa. Abaroma 12: 9  ; Ivyahish. Yohana 2 : 4-5  ; Ivyah 3 : 18 Ugwo rukundo nigwo rgutuma wihanganira ibikugerageza vyose ntihagire ikigutandukanya n’Imana yawe. Abaheb. 11 Abo baciye mu bigeragezo vyinshi baranesha kubw’urukundo rw’Imana rwari muribo, bituma bitwa abahizi mukwizera.

Nukundisha Yesu Kristo umutima wawe wose, hari ibintu 5 azoguha :

1 – Umutamana : impano za Mpwemu Yera

2 – Icuma gikingira igikiriza: Kugororoka mugato no mukanini.

3 – Inkota : Ijambo ry’Imana ritumurikira , rigaca imanza zananiranye.

4 – Umuheto : Amasengesho arasa kure, ndetse abomora ibihome vya Yeriko

5 – Umukanda : Kuvuga imvga kuri, kandi ibihe vyose.

Ibi utabifise kubona ubugingo buhoraho bizokugora.

Advertisements
Posted in Archives | Leave a comment

Kugira ishaka ry’Imana : ubutumwa bwo ku wa 17/03/2017

Kugira ishaka ry’Imana.

Uwambere yagize ishaka ry’Imana ni Yesu , umwana w’Imana , mukwerekana urukundo Data wa twese yakunze abari mw’isi. Harabantu bibazako kurondera Imana arukubufise ingorane cankibibazo, canke ubukire ukaja gushimira Imana, canke arimico yo gusenga bakuriyemwo. Ivyo vyose bikwegereje Imana nivyiza, si bibi. kandi birashoboka. ariko ivyo vyose birashobora guhinduka. Ariko ic’Imana idushakako n’iki? Nukugira ishaka ry’Imana kuko watahuye ivyayo. Kuko ico gihe naho woca mubibazo canke mungorane, mubukene cankubukire, mugwanko canke muguhebwa n’abantu ntushobora kurekura Imana yawe kuko watahuye vy’kuri urukundo rwayo. Ukaba mubuzima bwo kwezwa, nayo ikabana nawe. Haba hariho Connection y’umutima wawe n’uw’Imana , bigatuma atakigukura kuriyo murugendo urimwo ruja mw’ijuru. 19 Abami : 7-10 . Eliya yagize ishaka ry’Imana , ariko naho bagomba kumwica , yahunga abamuhiga ariko ntaho yava ku Mana. Yarafise impamba ikwiye yari yariziganirije ivyo murugendo rukomeye yarimwo.

Mgihe ugize ishaka ry’Imana nayo iguha ingene kwiriye kwitwara.  Ugira umutima wejejwe wirinda icaha nkuko Eliya yakoze nayo ikabana nawe, nkuko yabanye nawe gushika imuduganye. Itang. 13 : 2-9 Aburahamu niwe yimuka igihe umukuku waba mwinshi na Loti umuhungwabo ukaba mwinshi, batagikigwa mugihugu kimwe , Aburahamu yaca yimuka kuko yanka kwiyanduza. Harigihe umunt asubigwako nivyo yakoze, ariko we yibazako ntarubanza rumutsinda, Yeremiya 15: 15-19 Ico gihe umuntu yibaza ngwari mukuri, ariko ararenganwa. Nayo Imana itagabitanya yamubwiye kwitandkanya n’icaha.

Yobu 42: 5-6 & 10 yabanye n’Imana ayirondera kandi ayigororokera, nivyo yaciyemwo vyaramwigishije kandi bituma  yihana imbere y’Imana imugwiriza ivyo yarafise 2. Ariko yagize ishaka ryinshi ry’Imana, yarafise impamba nini yamufashije ghagarara mubibazo bikomeye yaciyemwo. Kuko iyfise ishaka ry’Imana nayo iguha ubwenge n’inkomezi mruugendo rtoroshe kandi rurerure turimwo. Nico gituma itwingingira ngo tugure uburyo tubugwiza kuko imisi ari mibi.  tugende nkabanyabwenge. Rusi 1: 8-14, Rusi yari yaratahuye neza ivy’Imana y’Abisirayeli, nico gituma naho inabukwe yamwinginga cane ngwasbire inyuma nkuko mugenziwe yabikoze, namajambo yo kumwemeza impamvu yotuma asubira inyuma, we yaramaramaje aguma ku Mana ya Ishirayeli kuko yarazinezako atawayikurikiye numwe yakozwe n’isoni. Haba imigisha y’isi yarayihawe no gushumbushwa bikomeye, yongera ahabwa mugisha wo mubo Yesu Kristo yakomotseko. Nawe mwene Data Gira ishaka ry’Imana imigisha irateguwe, kandi ubugingo uzobuhabwa. Amen.

 

 

Posted in Archives | Leave a comment

IMANA N`IMANA 10.03.2018

IMANA N`IMANA

Ubutumwa bwa 10.03.2018

Imana yatoranyije Mose ngo ajye gukura ubwoko bwayo mu bucakara. Muri urwo rugendo twigiyemwo byinshi ko Imana yacu itoranya abayikorera ukwishaka .yabakuye kwa Farawo n`ukuboko gukomeye, Imana yacu niyibitangaza,kwirinda kwitotombera Imana,gukorera ijuru. Imana yadukuye muri byinshi bitandukanye itwitaho ndetse iduha kuyikorera mubitandukanye. Dukwiye guhagarara neza mu mwanya Imana yaduhaye, tugire intego yo guharanira ijuru.

ABAROMA:8:31-39 Ubwo Imana iri mu ruhande rwacu umubisha ni nde. Iri jambo ribwira uwamaze gutahura urukundo rw,Imana bakayubaha kandi bakayitinya.Satani yabwiye Imana ngo Yobu agukiranukira kuko wamuhezangiye.reka satani aturege ibyiza ntaturege ibyaha turimwo. Twibuke impamvu ituma twarafashe icyemezo cyo kuyikurikira itume umutima wacu waguka. Umuntu usize umwana mu bitaro akaza gusenga nuko aba afite impamvu iba imusunika.reka dushyike aho twumva ko byaba bitaba, twarwara twaba bazima,twabyara twaba ingumba ko Imana ari Imana.Ntagikwiye kudutandukanya n`urukundo rw`Imana.

YOHANA 15:9-16 Isi nta munezero iduha.twakire umunezero uva k`Uwiteka. Dukundane nkuko yadukunze. Petero ati mbonye ko Imana idatoranya k`ubutoni. Ahubwo mu isi yose uyubaha agakora ibyo gukiranuka iramwemera. Twemere itubumbe uko ishaka kuko ni we uzi imyicarire yacu imiryamire nikiri k`umutima.

Posted in Archives | Leave a comment

Kuba inyegu y’Imana : Ubutumwa bwo ku wa 03/03/2018

Kuba inyegu y’Imana.

Nkuko Imana yadutoranije ikatugira ihanga ryayo, irashakako tubaho ku bwa Kristo. Kuva igihe twakiriya Yesu Kristu nk’Umwami wacu, twabaye inyegu Imana yiharije. Kuko yatuvanye mubuzima bw’abandi bose itugira inyegu yayo burundu, tuba aba Naziri ku Mana. Kuko yadukuye muvyadutwara arivyo bihimbaro vy’iy’isi, arivyo bibangamiye ishengero nubu kuko benshi baguma babikurikira, idushira mu kwera no mukugororoka, kugirango tube ibikoresho vyayo muguhindura isi. Abacamanza 13 : 1-7 ; Abac. 14 : 3

Abanaziri : n’umuntu yiyeguriye Imana , yitandukanije, atavanga n’ikintu na 1, atihumanya. Kandi na wewe ugiye gutwara uwo mu Naziri uhamagariwe kutihumanya . Uwo mugore Imana yamubariye ingene azokwitwara. NB: Ico turi nico twahawe nivyo biduha icerekezo cingene twitwara, ningene tubaho. Sitwebwe tubishaka canke ngo duhitemwo ariko ni Kristo atuyobora. Igihe cubu bigereranywa n’ishengero kuko uwo dutwaye ni Kristo yatujemwo mu buryo bwa Mpwemu, Niwe yashikije ubu Naziri ativanze kandi niwe izina ryiwe riba muri twebwe. Uwavutse ubwa 2 wese agereranywa na nyina wa Samusoni. Uko niko twebwe aba Kristo Imana idushaka murugendo turimwo.

1 Samweli 1 : 11  ; Luka 1 : 15-17 Mugihe ca Samweli no mugihe ca Yohana umubatizi, no mugihe ca Samusoni abo bana bose bavutse mugihe ishengero ryari ryarasubiye inyuma cane muvyo kwumvira Imana no gukora ivyo ritegerezwa gukora ( Ryari muri crise spirituelle). Ico gihe cose ishengero ryari mungorane nomubuja kubwo kutumvira kwabo, ariko ubugombe bw’Imana suko ishengero ribaho mukuneshwa ahubwo nuko ribaho mubuzima bw’intsinzi. Rero igihe cose ubwoko bw’Imana bwabaho mu buzima bwo kutumvira Imana ngo bakore ivyibasaba gukora, Bama babaho mubuzima bwo kuneshwa, ikabatanga mumaboko yabansi babo. Reka tubeho tuyoboka ijwi ry’Imana, idutsindanishirize muri vyose. Samweli na Yohana babayeho mubuzima buyoboka Imana. Babaho barongogwa nayo gushika bahejeje umurimo bahamagariwe.

1 Pierre 2: 9-11 Twahamagariwe guhindura isi, nkuko Samusoni yahamagawe, naho yagendeye mungeso zidashimishije Imana , ariko umugambi w’Imana wo wararangutse. Ariko yavukiye gutabara Abisirayeli. Kuko naho tutoba abizigigwa yo ihora arumwizigigwa ibihe vyose. Amen.

 

Posted in Archives | Leave a comment

Tugire ukwizera kuzanwa(guhagaze) ku gukunda Imana: Samedi le 24/02/2018

Tugire ukwizera kuzanwa  no(guhagaze ku) gukunda Imana.

Yesu Kristo yaje ngo tumwizere. Uwuzeye umwana w’Imana ntahungabana, ntatinya ikintu na 1 ahura naco mu buzima, kuko amenya nezako uwo yizeye ariwe yanesheje nkomoka yo kunesha ibibi vyose duhuranavyo canke ingorane zose ducamwo mu buzima. Akamenyako muriwe ariho hari inyishu zose no gutabagwa kwose. Yesu Kristo niwe yerekanye urukundo rwiwe mukudupfira kandi ariwe muremyi bwite.

Natwe ukwizera Imana dufise vyerekana urukundo dukunda Imana.                          Ivyak. n’Intum. 21: 10-14 Turi mugihe c’iherezo, haragezeko umuntu wese yerekana urukundo akunda Imana. kuko niho Mpwemu Yera adukomereza, akadushingira intahe. Kugumya ukwizera nikigwanishwa ku mu Kristo, kuko nico kigwanishwa gikomeye kinesha Satani. Ntugate ukwizera gushikamye muvyo wocamwo vyose. Kuko Satani akunyaga ukwizera, kugirango akwiyegereze akuneshe neza. Guta ukwizera bizana amaganya, bigatuma uba kure y’Imana, wewe wibazango uracahagaze. Paul naho umuvugishwa n’Imana yari yamuburiye ibizomubako i Yerusalemu, ntivyamuciye ivutu ngo areke kuja gukorera Imana yiwe, kubw’urukundo yakunda Yesu Kristo yari yiteze no gupfa. Ariko Imana nayo yabonye ingene ayizeye ikuraho imigambi ya Satani. Kuko Ntitwigwanirira ahubwo turizera gusa tugakora ico Mpwemu Yera aturongora gukora, tutumvirije abantu canke ivyo tubona. Ivyizigiro vyo mu Mana vyerekana ingene Yesu Kristo akomeye (ari fort) muri wewe. kandi kwafise ubushobozi bukomeye. Ariko iyutakaje kwizera wamana amaganya, kandi ntushobora gukomera mugakiza, uha Satani icicaro muri wewe, Akaba ariwe agwiza inkomezi muri wewe. Zaburi 125: 1.  Ukwizera Imana n’ugukura amaso kuvyo tubona tukayarangamiza mw’ijuru.  Zab. 20: 7-8 Dawidi yatura ayo majambo kuko yarazi Imana yagiye imutabara ikamurokoresha ukuboko kwayo gukomeye ibihe vyose. Menya neza agakiza katagira ivyizigiro sagakiza. Paul yabivuze neza ati ivyizigiro tubifise nkibizirika umutima.

1 A b’I Korin. 9: 26-27 Ufise ukwizera nyakuri ntasambuka , ahubwo ubu Kristo bwiwe ntibuhungabanywa, ahubwo burakomera kandi bugashikama. Ihiganwa ryacu n’ukunezereregwa Yesu Kristo, tukuzura urukundo rwiwe, mukumwumvira no mukumukorera ukwivyagezwe bitugera, tukanengesera Mpwemu Yera.

Twisuzume rero ingene turiko turakora iryo higanwa. Tutarikora neza turisubiremwo. Tugire kwihangana kuko, kwihangana gushitsa umuntu ku bikomeye. Werekana urukundo ukunze Umwami Imana yakwiguze. Ugurura umutima urukundo rw’Imana rutwinjiremwo,rutumenagure, rutugeze kukwizera Yesu Kristo vy’ukuri. Amen.

 

Posted in Archives | Leave a comment

Ukwizera no gukurikira Imana ushize amanga bidushikana kubitangaza IMANA yadusezeraniye. 17.02.2018

Ubutumwa bwo kuwa 17.02.2018

Ukwizera no gukurikira Imana ushize amanga ,bidushikana kubitangaza IMANA yadusezeraniye.

Umutima w’urukundo n`ubutwari  nivyo vyaranga abahizi muri bibiriya, hahesheje izina ry’Imana icubahiro , bigatuma ishingigwa intahe mu banyamahanga ko Uhoraho ariwe Mana.

Imana ihagurutsa  umuvugishwa n’Imana Yeremiya, hari mugihe ubwoko bw’Imana abanyislayeri bari basubiye inyuma ,bava muvyagezwe vy’Imana, bibumbira ibigigwa mana ,barabisenga, batako bakora ibibi vy’ubuyobe vyababaje Imana cane, batako batoteza kandi bica abavugisha n’Imana.

Nuko vyaruko ,Urukundo gw’Imana gwinshi cane nigo gwatuma idaheba aboyaremye, ikongera igahagurutsa abasavyi bayo, ikabakoresha ngo baburire abasubiye inyuma , bagarukire Imana yabaremye.

Tubaye mw’isi yugarijwe n`umwijima , n’imibabaro. Ivyaha bikoregwamwo ninkivyakoregwa mub’anyisilayeli, nico gituma Imana iriko iraduhamagarira cane, twebwe abakijijwe, kuyiyegurira gose, tukayihebera umutima wacu wose, kugira ngo idukoreshe mugutabara abarimbuka.

Ijambo ry’Imana muri bibiriya ABAMI bambere 17, riratwigisha ingene nubwo murico gihe hari ugusubira inyuma mu bwoko bw’Imana , Imana yari yaritoranirije umusavyiwayo Eliya, iramuzigama, iramwibikira ngo azayikorere murico gihe. Ntwe uyu musi nitwe turi ba Eliya, Imana yizigamiye mbere yahagurukije kugira bayikorere. Eliya yahawe isezerano n’Imana ko izomukoresha ibikomeye,ko imvura izongera kugwa aruko Eliya abivuze. Murico gihe c’umwumwa , n’ubugaragwa igihugu cari cose cari kirimwo, Imana niyo yitungiye Eliya ntiyagira ico abura.Imana igirira neza abayo, abayiteze kandi bayihanze amaso yo gusa, ntibazogira iciza bakena

Abami bambere 17,8 Umupfakazi yizera Imana ,yumvira ico Eliya uwatumwe n,Imana amubwiye,yemera gutanga kugafu nutuvuta twanyuma yarafise maze Imana ikora ibitangaza, ica inzira ahatari inzira, uwo mupfakazi numuhungu wiwe, ntibigera babura ico barya .

Vyongeye mu gihe umuhungu wiwe yaragiye gupfa, Eliya yibutsa Imana icuwo mupfakazi yakoze, maze Imana iramutabara imukiriza umwana.

Abami bambere 18, Eliya amaze kubona ubushobozi bw’Imana, bimutera gushira amanga, yumvira Imana yamutumye kumwami , ntiyaba agitinye ubukozi bwikibi bwiwe , yirengagiza ko kenshi yamurondeye ngo amwice. Eliya ariyemeza, yizera IMANA yiwe, ahamagara umwami Ahabu, abinyisilayeri bose, abaherezi bibigigwamana ngo baduge kumusozi Karumeli. Abanyisilayi bacanira igicaniro bayari, ninkwi zumye, bashirako igitambo, baborogera bayari umusi wose, umuriro ntiwamanuka.

Eliya agezweho , agahinyuza kaba i Karumeli vyukuri. Eliya ategura igicaniro, ashiraho amazi mukiringo c’inkwi , aterekako ikimazi maze asenga Uhoraho IMANA y’ibitangaza nayo imanura umuriro uvuye mw’ijuru. Abanyisilayeri bose bacishwa bugufi, baramya IMANA ,UHORAHO NIWE MANA.

Natwe irijambo ry,Imana ryongeye kudutera intege. Imana yadutabaye mubikomeye vyinshi, yaratwiyeretse ko ishoboye. Duhaguruke mukwizera, tushire ubwoba, turengere nintambanyi zitubuza gukorera Imana, kuko muguhaguruka kwacu, tugakora , Imana izokwihesha icubahiro bitume abatayizi bayimenya.

Abami bambere 18,41 Eliya asenga Imana, imvura iragwa maze abanyisilayeri babona guhembuka.Harico natwe IMANA ishaka kudukoresha kugirango imiryango yacu ikire, ishengero rikire, ababanyi bakire, igihugu gikire, abantu babone ugutabagwa…

Twebwe abakijijwe twahawe ububasha mu MWAMI wacu YESU KRISTO, amasezerano nayacu, duhaguruke twizeye ijambo ry’Imana, dusenge IMANA nkuko Eliya yatakamye, maze abantu b’Imana babone gutabagwa.

Abami bambere 19, Eliya nubwo yasenze abanyisilayeri bagatabagwa, satani we ntiyabinezerewe, bituma ahamwa. Nubwo bitari vyoroshe,Eliya yagize umwete wo kurondera Imana ,amara imisi mirongwine ayishaka.Maze kubwuyo mutima yagize ko kurondera Imana naho we yahamwa,Imana iramutabara.

Satani ntiyigera anezeregwa ko dukorera IMANA , ariko naho imitego ari myinshi kandi nubwo tubona benshi bariko barava ku Mana ,dushishikare kurondera Imana n`umutima wacu wose, hari ugutabagwa mu Mana.

Dusabe Imana ubwenge, twirinde ibidusamaza, ninyigisho ziduca intege, zaba izivuye kubavugisha n’IMANA badahagaze ,canke ivyo imibiri yacu itwereka tukaja muntege nke.(Abami 13)

Ariko gwa rukundo gw’Imana yacu yadukunze rutagira akagero, gwatumye iduha umwana wayo w’ikinege, akadupfira kumusaraba abe arigo rudutera kuyikorera.(Ivyakozwe n’Intumwa 21:10-13.)

Posted in Archives | Leave a comment

Kuvugana n’Imana no gukoreshwa na Yo : Ubutumwa bwo ku wa 10/02/2018

Kuvugana n’Imana no gukoreshwa na Yo

Turi mugihe ciza co kurondera Imana no kuyegera. Ivyo bidusaba kugwiza umwanya wo gusoma ijambo ry’Imana kugirango tumenye ivyayo nico idushakako. Ntidushobora kuba abigishwa ba Yesu Kristo tutazi imvugo yiwe kandi tukamenya nico ijambo ry’Imana ridusaba gukora. Yohana 14: 1 & 12-14 & 18-24 Nkuko umuvyeyi mwiza agira ubusabane canke ubwumvikane n’abana biwe canke abo murugo rwiwe niko n’Imana yacu nayo ashaka ko tumera kuri we. Ashaka ko tuba mw’ijambo ry’Imana kandi turishitse. Ariko icambere dukeneye n’ukurimenya.  2 Timote 3 : 15-17 Ntahandi dukura ubwenge no kutumenyesha ivyagakiza atari mw’ijambo  ryahumetswe n’Imana. Niryo ritwigisha rikaturera, rikadukosora , rikanaduhana rikadutoza inderero nziza. Kugirango abana b’Imana tube abashitse. Dukoreshwe nayo twuzuye ataco duhajije mugutahura ivyayo. Twubatswe neza mw’ijambo itwigishirizamwo.

Matayo 7 : 21 & 24 -29. Reka tube aba Kristo bashitse kandi babanyabwenge buva ku Mana niho tuzoba twubakitse neza, ntitujanwe nibihuhusi vyose, ngo dutembe tuve munzira nziza itujana mw’ijuru. Niho ha mbere tuvuganira n’Imana rikatwigisha ukuri kudukomeza mukwizera Yesu Kristo. Ritwuzuza ishaka n’inkomezi  zo gukorera Imana no gukomera mukwizera. Nubwo Imana ivugisha abantu bayo mu buryo bwinshi reka turabe uburyo 7 butwereka ingene tuvugana n’Imana : naho hariho n’ubundi

1: Ijambo ryayo. Niyo mvugo yayo yambere dutegerezwa kwugururira amatwi n’umutima rikatwigisha.

2: Kwumva ijwi ry’Imana mugutwi mukundi. Rishobora kuza ahuri hose. Yesaya 30: 21

3: Munzozi : Usinziriye , Imana iraza ikavugana nawe, icishije mu buryo yahisemwo. Ivyak. n, Int. 16: 9 Akar. ba Paul bahamagagwa kuja i Makedoniya kuvuga ubutumwa. Yosefu abwigwa kwariwe azoba mukuru muri bene se.

4: Mwiyerekwa: Uri maso kumurango canke uryamye, ariko udasinziriye, ukaja mwiyerekwa. Ushobora kuba uriko urasenga. Ivyak n’Int. 10. Koruneliyo yerekwa Umumalayika w’Imana.

5: Ijambo ryo kumenya ”Ubuhanuzi”. 1 A b’ Ikor 2 : 7-8  Ushobora kwihanurira canke ugahanurira abandi. Kandi urifise risenya vyinshi muriwe. Rikamwubakamwo ivyingirakimazi. Kuko ugira ubwenge bw’Imana. Akar. Dawidi yanka kwica Sauli. Uko abandi babona ibintu wewe siko ubibona kuko ufise ubwenge bo badafise.

6: Circonstance ( ivy’umuntu acamwo) : Abaroma 8: 28-30 Tumenyako ar’Imana ifise agenda yacu ( kirangamisi cacu)  Ishobora kureka ugaca mubibazo bikomeye ariko ariho igomba kukuganiririza ikakwambikira inkomezi n’ukwiga, ugasohoka murivyo harimwo gutabagwa.

7: Mubidukikuje: Iratuganiririza muvyo yaremye iyo tuvyitegereza, canke tuvyumviriza. Hari nigihe ikoresha ivyo wewe nyene uriko urakora, bikakwigisha, Imana irahakuganiririza.

Hari aba Kristo benshi babisuzugura bakavuga n’amajambo menshi kubwo kutamenya kwabo no kudasobanukigwa, ngo nivyabantu badasobanutse, mwene Data ca bugufi Imana yacu ikorana nabaciye bugufi kuko nawe irashaka kukuvugisha kandi ngutahure imvugo yayo, uyikorere uhagaze kuco yavuganye nawe. Ishaka tube aba Kristo bashitse batari utuzuyazi. Tuve muri confusion no mukutamenya, turondere Imana nayo ize itwihishurire, dushikame mukwizera Kristo Yesu. Amen.

 

 

 

 

Posted in Archives | Leave a comment