Gushikanira Imana abana bato 12.12.2020

Gushikanira Imana abana bato

Ubutumwa bwa taliki ya 12.12.2020

Imana yadutoranije ngo tuyubahe tugendere mu ijambo ryayo kandi ngo tuvyigishe n´abana bacu. Kugira ngo yaba twebwe n´abazadukomokaho bose tugendere mu masezerano yayo, ayo yasezeraniye Aburahamu, dusanga mu vyagezwe vyayo.

Abalewi 26:3-5 & 9-12

 Ishengero ry´Imana ntiryabikoze uko Imana yabivuze. Ariko k´ubw´umutima w´urukundo ruhebuje ku bantu bayo, rwatumye itanga Yesu Kristo umwana wayo w´ikinege ngw´aze kuducungura. Ngw´atubere umuco mu vyo dukora vyose, kandi ng´umufise amubere ubuzima mu kubaho kwacu kwose.

Gusubira mu vyagezwe 6:1-7 Ivyakozwe n´intumwa 2:39

Imana yaduhaye iri bwirizwa rikuru nk´abavyeyi kandi idutegeka no kuvyigisha abana bacu ngo tubibatoze, kandi banabitubonako, ndetse n´Imana nayo ikabona mu mitima yacu ko ihamanya nivyo dukora nivyo tubwira abana bacu.

Kugirango nabo babeho mu buzima bwubaha Imana, bayitinya, bakayigororokera kandi bayizeye. Nayo iraheza ikabana nabo ikabashitsako amasezerano yavuze.

Iyo twigisha abana bacu gukunda Imana no kuyubaka, tuba tubasabira kandi tubarongora muri kazoza keza, mu mugabane udashira. Imana nayo igaca ibiyigishiriza. (Yesaya 54:13-14) ikabaha n´ubwenge n´ikiganza ciza ku vyo bakora vyose.

I Ngoma 28:9-10 Kuvayo 20:5-6

Dawidi yaraze neza Salomo kandi yaraziko niyo yabishitsa azoba umutoni ku Mana, agahabwa n´ubugingo buhoraho.

Urugero: Yosefu yigishijwe n´Imana bituma imbuto yatewemwo akayigendera, Imana imushingira Intahe mu vyo yaciyemwo vyose.

Mariko 10:13-16

Posted in Archives | Leave a comment

Twige kunezereza Imana tube abana b´Imana 05.12.2020

Samedi 05.12.2020

Twige kunezereza Imana tube abana b´Imana

Imana yadutoranyije, itugirira ubuntu bwo kuyimenya ngo tumenye nivyikunda. Yaduhaye Ijambo ryayo ririmo ivyitegerezo bizima, kugirango wewe nanje tubigereko, bidutere inkomezi zo gushima no kuba ab´Imana yishimira, inezegwa.

Abaheburayo 13:7 1 Kor 4: 16-17

Turondere kuba abakundwa b´Imana, kugirango ico yasezeraniye abayikunda vyose tuzobishikeko. Yesaya 54:14-15 & 17&10.

Tugawnire gushimwa n´Imana, atari ugushimwa n´abantu. Kuko nivyo bitugirira ikimazi bigatuma nivyo abantu badushima bigira aho bidushitsa. Abantu benshi bashaka gushimwa n´abantu ndetse babahe n´icubahiro. Vyotumarira iki ijuru ritatunezerewe kandi ritatuzi, ahubwo abishwe n´intuntu ku bwacu.

  • Daniel 1:3-17-21

Aba basoreibisabwa byose umwami yashakaga bari babikwije, ariko bo sivyo vyabahimbaye ngo bavyirate, ahubwo barondeye igikundiro ku Mwami w´abami.

Twigane ababaye abahizi mu kwizera Imana no mu kuyikunda. Kuko nibo bayikoreye basiga inkuru nziza mu bantu. Iyo dusomye ijambo ry´Imana dukeneye gukuramwo ibitwubaka atari inkuru.

  • Daniel 2:17-23 & 28-30 & 46-49

Abakunda Imana vy´ukuri, iy´isi igize ikibazo babaza inyishu. Kuko  baca babaza Imana yabo.

 Daniel na bagenzi be ikintu ca mbere bari bafise bari biyizi abo bari;

  • Ntibifatanya n´abanyabyaha.
  • Bari bizeye Imana yabo n´imitima yabo yose, bakimenya ko ariyo ibashitsako ic´Umwami ashaka
  • Imitima yabo yari ifise icerekezo kija mw´ijuru. Yanse kuja gutwara babuloni kugirango akomezanye n´Imana yiwe, yanga icamukura mu rukundo rwayo.
  • Daniel kuko bizeye Imana ntaho satani atabarondereye gushika aho amuronderera mu gusenga, ateregwa mu rwobo rw´intare. Ariko ico yagambiriye nticahindutse. Imana izugara umunwa.
  • Yarumvira Imana, ntiyatwarwa n´irari ry´umubiri.
  • Yaca bugufi cane ntiyiyita umunyabwenge vyose yavyitirira Imana.
  • Yari yuzuye Mpwemu Yera.

Yanezereje umutima w´Imana gushika naho Imana imutumako Malayika Gaburiyeli yama imbere ye akama aza amubwira ati Daniel muntu ukundwa cane. Daniel 9:20-23  Daniel 10:10-14

Imana  yamwungura ubwenge kandi ikamuha gushikama mu vyo yahura navyo vyose. Ubwami bw´Imana bugira uko bugenda n´ubutoni bw´Imana bukagira uko bushikigwa.

Ibibazo ucamwo ntibituma Imana iguheba, ahubwo aho bikomeye niho igushyigikira ikabana nawe.

Posted in Archives | Leave a comment

Ni mushishikare guca mw’irembo rifunganye. Benshi bazogomba kuricamwo ariko ntibabishobore. 26.11.2020

Ubutumwa bwa taliki ya 26.11.2020

Ni mushishikare guca mw’irembo rifunganye. Benshi bazogomba kuricamwo ariko ntibabishobore.

 Twarahamagawe n’Imana turumvira, turitaba kandi twizera ko ijambo ry’Imana ari ukuri.

Ico twizeye n’uko Yesu Kristo ariwe: 

Nzira, n’ukuvuga ko ariwe anyobora mu nzira ncamwo y’uru rugendo.

Kuri,n’ukuvuga ko amenyesha ukuri kuko niwe kuri.

N’Ubugingo kuko niwe ampesha ubugingo buhoraho.

Igihe dupfana na Yesu mu mubatizo, twahindutse ivyaremwe bisha.

Abaroma 6: 4-9

Yesu yaduhaye ivyizigiro vyo kuzohabwa ubugingo buhoraho. N’ubwo tukiri hano kw’isi, turiho ariko turi mu rugendo ruja mw’ijuru kandi uwuturongora ni Yesu Kristo.

 Kugendana na Yesu muri uru rugendo bidusaba guheba vyose ku bwiwe, kandi bikadusaba kwemera kwikorera umusalaba kuko uwo niwo ukomeza agakiza yaduhaye.

Luka 14.25-27: Yesu yabwiye ishengero ngo umuntu niyaza kuri we, ntiyanke se canke nyina, n’umugore wiwe n’abana biwe na bashiki biwe, mbere n’amagara yiwe nayo, ntashobora kuba umwigishwa wiwe ngo amukurukire.

 Aha Yesu Kristo aradusaba kumurutisha vyose, tukamuha ikibanza ca mbere kugira  dushobore gufatanya nawe uru rugendo.

Mariko 10: 17-28

 Uyo mutunzi yakunda Yesu, araza amwikubita imbere amubaza ico yokora kugira aronke ubugingo buhoraho. Yesu aramubaza ko yakurikije ivyagezwe, amwishura ko yabikurikije kuva ari muto.

Yesu aramwitegereza yumva aramukunze ariko abona ko har’ico yari ahajije. Yaciye amubwira ngo aje kugurisha ivyo yarafise vyose abihe aboro maze aze amukurikire. Ivyo Yesu yamubwiye ntivyamunezereye yaciye agenda yijiriwe. Ubwo butunzi Yesu yabonye ko bwari intambamyi kuri we kugira ashobore kuronka ubwami bw’Ijuru.

Imitego ishobora kuba muri runo rugendo ni myinshi. Iyo tugendana ibigirwamana, nivyo bitubera intambamyi mu rugendo turimwo tugendana na Yesu. Ivyo Yesu yatubwiye ngo twanke tumushire imbere muri vyose n’uko yabona ko vyotubuza kuzuranwa nawe.

Iyo Yesu tumuhaye ikibanza cambere muri twe, araheza agafata controle muri vyose.

 Uru rugendo turimwo tuja mw’ijuru ntidushobora kurwishoboza na gato tudashobojwe n’Imana nk’uko Yesu yishuye abamubashije bati none ko bimeze birtyo ninde ashobora gukizwa? Arabishura ati ibidashobokera abantu bishobokera Imana. 

 Muvyo turwana navyo muri iyi nzira hari kurwana n’umubiri, kurwana n’icaha, canke persécution kubwa Yesu, ivyo vyose tuzobinesha ni twuzura ubushobozi bwa Mpwemu w’Imana.

Yohana yeretswe abazoba baranesheje muri urwo rugendo abo aribo: Ivyah. Yohana 7: 9-17.

Posted in Archives | Leave a comment

Ishengero ry´Imana dukeneye kwizera izina rya Yesu Kristo ryonyene tukabeshwaho n´ijambo ryiwe. 21.11.2020

Ubutumwa bwa taliki 21.11.2020

Ishengero ry´Imana dukeneye kwizera izina rya Yesu Kristo ryonyene tukabeshwaho n´ijambo ryiwe.

Izina rya Yesu Kristo twahawe rirakomeye cane. Rifise ububasha bwose n´ubushobozi bwose. Kandi uryizeye niryo rizomubeshaho, kandi riramushingikira.

Yohana 14:1 & 11-14 & 20-21    Matayo 28:16-20    Yohana 16:23-24

Abari  muri Kristo Yesu tuzokwama tunesha ntituzigera tuneshwa kuko uri muri twebwe yaranesheje, kandi arakomeye, yaranesheje vyose. Ico dukeneye n´ukwizera gushikamye iryo zina rifise ububasha bwose. Kandi ari naryo riduhagarika rikadutabara rikadukiza.

Luka 17:11-17

Hatakamvye ababembe 10. Ariko umwe niwe yasabanye kwizera izina rya Yesu Kristo. Ariko icyenda bakijijwe n´ijmabo ababwie ntibarivanga n´ukwizera uwubarungitse ngo bagaruke bashime. Umwe niwe yaje gushima. Ic´Imana itugombako nuko twizera izina ry´umwana wayo Yesu Kristo.

Ijambo rya Kristo ridukiza twese ribohora twese, Imana ntitoranya ku butoni, ariko uyambaje wese, iramwumva. Nico gituma bose uko ari cumi bakize. Ariko ico atugombako iryo jambo rivamgwa no kwizera Yesu Kristo, umwana w´Imana.

Abaroma 10:9-11        Luka 7:50:47-50

Uyu mugore w´umunyavyaha yari afise ukwizera gukomeye. Abahevye vyose bagakurikira Yesu Kristo bazohabwa umugisha wo mw´isi n´ubwami bw´Imana.

Urugero Aburahamu yizeye izina ry´Imana yamuhamagaye aramwumvira, abana nayo akaramata mu kuyizera. Nayo imuha umugisha ukomeye, iba Imana yiwe na sokuru w´abizera.

Itanguriro 24:34-40

Aburahamu kwizera Imana no kuyumvira akagendana nayo, yabishumbushijwe umurengera, kandi aba na sekuruza w´amahanga. Imana yaba mu vyiwe vyose, igashigikira n´ijambo avuze. “Umumarayika wiwe azojana nawe.”

2 Ngoma 26:1-8

Nta kindi cahagaritse Uziya ngo kinamukomeze, atari uko yamatanye n´Imana yigishijwe, akayishirako umutima wiwe wose, akayirondera nayo imuha umugisha, n´izina ryiwe ryamamara.

Posted in Archives | Leave a comment

Dukeneye kubaho ubuzima bushimira Imana 14.11.2020

Dukeneye kubaho ubuzima bushimira Imana

Ubutumwa bwa taliki ya 14.11.2020

Dukeneye kubaho ubuzima bushimira Imana

Imana yaradutoranije itugira ihanga ryayo idutandukanya n´andi mahanga yose yo mw´isi, kugirango twame imbere yayo tuyishima.

 Yesaya 43:20-21  Mika 4:5

Ikintu cingenzi cangombwa Imana yo mwijuru idushakako n´ukwama tuza imbere yayo kuyiha icubahiro mu kuduza ishimwe imbere yayo tukayikengurukira, kuko yadukoranije.

Mugushima Imana bituma umuntu aca bugufi, ukerekana umutima ushima kandi wibuka ibikogwa by´Imana mu buzima  bwawe n´imbabazi zayo, gukomera kwayo n´ibindi vyose biba bigutumye uca bugufi. Gushima habamwo no kwezwa no gutabagwa.

Itanguriro 18:1-8 &9-14 

Aburahamu yaranezerewe cane icariko arakora, yanezererwa Imana yiwe kuko yayikunda cane. Yarafise umutima umenetse wibuka kandi wagutse mu gushima. Amaze kuzimana abo bashitsi biwe, bari abamarayika.

Dutegerezwa kugira impamvu yo gushima Imana

Itanguriro 35:1-7

Igihe cose dukeneye kwama dushima kuko aho twayiboneye ni muri vyinshi kandi ivyo yadukoreye ntibidondagugwa. Vyonyene kuba yatugize abana bayo ntaco twatanze. Kandi habaho kwezwa no gutunganywa gose mu mitima yacu no mu mibereho yacu, Imana ibana natwe.

Dukeneye gushima Imana kuko ari Imana nicyo yaturemeye. Kuko ari umuremyi w´ijuru n´isi, ataruko waronse iki canke waronse akazi, atari uko waguze imodoka cyangwa inzu. Ivyo vyugara imigisha.

Ariko abamenye ukuri, ic´Imana iretse kikababako duza ibiganza uyishime, kuko nyuma y´ivyo har´impera ikomeye. Ya Mana wahimira itegerezwa kwerekanira icubahiro cayo muri wewe. Nico gituma amashimwe ya Paul na Silas atagiye ubusa naho vyari bibabaje cane, yariyerekanye.

Habakuki 3:17-19 Zaburi 50:7-16  Zaburi 51:17

Dukeneye kureka ijambo ry´Imana rikaduhindura kugira tugire umutima ushimira Imana vy´ukuri nayo ikabinezeregwa.

Zaburi 9:1-2 1 Tes 5:16-24

Posted in Archives | Leave a comment

Impamvu yo kurondera Imana mu gusenga gufatanije no kwisonzesha 07.11.2020

Ubutumwa kuri taliki ya 07.11.2020

Impamvu yo kurondera Imana mu gusenga gufatanije no kwisonzesha

Iyo dusenga twisonzesha hakoreka ibikomeye muri twebwe, guhindura imibereho ya misi yose, hari ivyo tureka, hari ivyo twiyima haba kwegera Imana cane kurusha uko twahora. Ikivamwo ku bwuwo mutima urondera Imana; kwezwa, kubohoka, kwuzura Mpwemu Year, guhishurigwa, amavuta, ubwenge buva ku Mana, gukomezwa, hakaba gushira amanga, kugendana n´Imana, agakiza nyakuri kazana ukugororoka.

Yobu 36:1-13

Nehemiah 1:4-11

Nkuko kwishuri tugenda tukiga tukahakura ubwenge, niko n´Imana iyo dufata umwanya wo kuyirondera iduha ubwenge bwayo ariwe Mpwemu Year. Niwe yigisha Nehemiya icakwiriye gukora.

Neh 9:26-31 Ezira 8:21-23

Ezira yarafise impamvu yo gutangaza ivyo kwisonzesha kuko yashaka ko Imana ishitsa ico yavuze kubayirondeza umutima wabo wose. Kw´ikiganza ciza cayoo kizobana nabo, ikagenda ibagirira neza.

Mu gusenga kwacu dutegerezwa kwibutsa Imana imbabazi yagirira Abisirayeli, n´abatwitangiye imbere bose. Kandi natwe bikadukorako ku mitima, izo mbabazi zayo, tukababazwa n´ingene abantu duhemukira Imana, tukibagigwa n´ingoga ivyo yadukoreye, Satani akaronka ikibanza akadukoresha ivyaha.

Nico gituma urugendo ruja mw´ijuru turimwo dukeneye kwezwa gose, tukaba mu buzima bwahinguriwe muri Yesu Kristo.

Erega icubahiro c´Imana kibonekera mu bana bayo iyo bayubashe. Iyo bagendeye mu nzira zayo mu vyo yihanikirije. Amahanga abakikije yarabatinya. Kandi niyo habaye intambara bagenda banesha. Ariko iyo bayita baratsindwa, mpaka bahindukiriye bakayigarukako.

1 Samweli 4:1-11 Zabuli 106:13-15

Sizina rizodutabara ryuko twitwa abakizwa, ahubwo n´uko tuboneka imbere yayo.

Hari iyo idukorera kuko twitirigwa izina ryayo, ariko hari n´ivy´idakora ku bw´icubahiro cayo tuba twasohoye muri twebwe.

Isandugu y´Imana itari kumwe n´abanyavyaha, Imana yihesheje icubahiro mu nzu ya Dagoni kirameneka. Ariko hagati y´abanyavyaha iricecekera.

Rom 7:21-21

Rom 8:1-14

Yesu Kristo twaramuhawe ndetse aturmwo ariko iyo imitima yacu itejejwe naho dusenga hari ivyo ashobora kureka, kuko imitima yacu niyo agomba. Nico gituma dukeneye kuba mu buzima bwejejejwe.

Nico gituma Paul yatakambira Imana ngwimutabare imukize umubiri umutera gukora icaha.

Posted in Archives | Leave a comment

Umutima urondera Imana 31.10.2020

Imana irema umuntu wambere ariwe Adamu,yamuremye mw,ishusho yayo, imugira umwana wayo  ikunda.Dusomye mw,Itanguriro 3,tuhabona ubucuti budasanzwe,ubusabane,relation idasanzwe yari hagati y;Imana n,umwana wayo Adamu. Imana yavugana nawe ,ikambubwira igikwiye n,ikidakwiye.Imana kandi yamuba hafi ikamenya ivyo Adamu akeneye. Icaha nico catumwe ubwo bucuti bwononekara,igihe Adamu na Eva bahendwa n,inzoka,bakemera gukora ico Imana yababujije,bagize gutinya bumvise ijwi ry,Imana,barinyegeza…

Imana iranezezwa nabayikunda ,bakayirondeza umutima wabo wose.  Muri kuvayo 34 ,Mose yagize ishaka yo kuyibona, arayisaba ngo imwihishurire,Imana umusaba kuduga umusozi wenyene ngo bahurireyo,kandi imubwira nukuntu yitegurira uyo musi ukomeye.Mose adugana ibisate 2 vyamabuye nkuko Imana yari yavuganye nawe. Maze Imana iramanuka ihura nawe,iramwibwira,imubwira amategeko n,ivyagezwe vyayo ,imuha amasezerano ,kandi Imana yandika yamabwirizwa 10 kuri vyabisate vy,amabuye.

Turahigira cane ko iyo duhevye ibinezera vy,umubiri kubwo kurondera Imana mugusenga  no gusoma ijambo ry,Imana,Imana iratugenderera,itwatwihishurira,ikatwigisha amategeko yayo,ikaduha amasezerano kandi ikavyandika kumitima yacu…

Iyo turondeye Imana ,twambikwa inkomezi zo gushitsa ubugombe bw,Imana.Matayo 26:41 Yesus yaduze kumusozi gusenga ,umutima wari ukunze ariko umubiri wanse. Amasengesho yamuhaye imbaraga zo kunesha ivyifuzo vy,umubiri,ashitsa ubugombe bw,Imana.

Amasengesho aduha imbaraga zo guhindura ibintu,zo gusambura imbaraga za satani zitugira kuba imbata ye.Esiteri 4:14

Amasengesho atuma dukomera mukigeragezo,tukabaho amahoro,kandi tukabona inyishu .1 Samuel 1,Hana yari ababajwe nikigeragezo c,ubugumba na mukeba wiwe yahora amucurira,igihe carageze ava hasi,asubira murusengero asenga Imana.Aho yahakuye amahoro y,uzuye n,imyishu.

Yeremiya 33:3 Imana yonyenye yo nyene gukora,no kubikomeza,iratubarira ngo tuyihamagare iratwitaba,itwereke ivyo tutazi,ivyikinze nivyo tutari bwabone.Gusenga imana havamwo guhishurigwa.

Daniel 9:3-14 Daniel yiyeguriye gusenga,gusaba imbabazi,yatura ivyaha bakoze kandi yinginga Imana numutima w,ukuri ,aciye bugufi maze Imana yumva gusenga ,iharira ivyaha vyabo ,ibakura mumaboko yumubi.

Ugusenga k,umugororotsi kugira ikimazi gikomeye imbere y,Imana.

Posted in Archives | Leave a comment

Ijambo ry´Imana niryo rufunguruzo rwa vyose 24.10.2020

Ubutumwa bwa 24.10.2020

Ijambo ry´Imana niryo rufunguruzo rwa vyose

Ijambo ry´Imana yaduhaye turibamwo mu ku ryizera mu bidafadika, rigaheza rikadushsikana mu bidafadika.

Yohana 1:1-18

Niwe yabaye kubaho vyose bitarabaho, kandi vyose vyaremwe nawe kuko ar´Imana. Amaze kurema isi, nawe abana na Mpwemu Year mw´ijambo ryiwe atabonekera amaso y´abantu, hanyuma yambara umubiri asa n´abantu, aza mu bifadika, kugirango bose bizere ku bwiwe.

  • Abamwakiriye bose yabahaye ububasha bwogucika abana b´Imana.

Yohana 4:46-54

Uwu nta kindi camukirije umwana atari Ijambo Yesu Kristo amubwiye kandi akaryizera. Ntiryakijije umwana gusa nawe ryaramuhinduye n´abo murugo rwiwe.

Ico dukeneye n´Ijambo ryuzuye Mpwemu Yera, kugirango ritwigishe ivyo dukwiriye gukora, Mpwemu Year akaririnda muri twebwe kugirango rigire ububasha bwo kurihindura no kudukoresha.

Elisa yakurikiye Eliya imigwi itandukanye y´abavugishwa ibihe aramenya ko Eliya igihe ciwe kigeze, yanka kwagenda atamusigiye impano.

 Ni vyiza ko tumenya ico turondera n´icy´Ijambo ry´Imana rituvugako.

1 Abami 17:1-7 & 13-16 & 24

Ijambo ry´Imana ryaje gutuma dushira ubwoba, tukizera kandi tugakunda Imana ivuga bigakoreka. Ririmwo ubushobozi budushoboza gukora ivyo tutakora.

Kandi ufise Ijambo ry´Imana ryuzuye Mpwemu Year, uburimwo wa muriro wamanuka ku musi wa pentekote.

1 Abami 18:20-24 & 36-39  2 Abami 2:8-11 & 14-15

Elija yari afise Ijambo ry´Imana ry´ukuri muri we ritavangiye, afise ukwizera kutanyeganyiga, ariko natwe dukeneye. Abandi bari bararese Uhoraho baja gusaba izindi mana. We yakunda Imana cane.

  • Nkuko biri uyu munsi, benshi bazimiriye mu mashengero, baravangiwe, abandi buzuye inyigisho z´ibinyoma zibakura mw´Ijambo ry´ukuri ryahumetswe n´Imana. Kandi vyose bakavyitirira Imana.

Mat 7: 21-26-27  2 Tim 4:1-5

Abantu benshi cane bariko bava mu vy´ukuri baja mu buzimire. Bakavuga ngo bafise Ijambo ariko bari mu mwijima mwinshi no kutamenya hamwe no kwirengagiza ukuri, kuko Ijambo rya Kristo barihinduye ukundi. Kandi muri bon ta bubasha rigifise.

Urugero umuntu baciye ingingo zimwe zimwe harivyo aba atagishoboye gukora. N´Ijambo bahinduye nuko nuko.

Icyangombwa nuko tumera nka ba Eliya na Elisa, bagendana n´Imana bakayumvira, bakayikunda, bagakora, icivuze bagahindurwa nayo igashitsa ico yababariye coose.

Tube maso kuko igihe kiregereye, Yesu ari hafi gutora ishengero.

Ivyahishuriwe Yohana 22:6-21

Ic´Ijambo ry´Imana ryigisha ishengero:

  • Kwiga gucabugufi,
  • Kwumvira Imana
  • Kuyizera
  • Gusira mu ngiro ico Imana itubwira
  • Guhinduka no kwihangana
  • Kugira urukundo nyakuri dukunda Imana
Posted in Archives | Leave a comment

Kugira Ijambo ry´Imana muri twebwe ryuzuye Mpwemu Yera 17.10.2020

Ubutumwa bwa 17-10.2020

Kugira Ijambo ry´Imana muri twebwe ryuzuye Mpwemu Yera

Ijambo ry´Imana rifise ubushobozi bwo gukuraho ivyananiranye. Niryo riduhindura, niryo ridukiza kandi rikatubohora. Nico gituma abana b´Imana, ishengero ry´Imana dutegerezwa kugira muri twebwe ijambo ryuzuye ubushobozi bwa Mpwemu Year.

Mariko 11:20-24

Yesu Kristo yaje kutwigisha, kugira ijambo rifise ububasha bwo guhindura ibintu. Kuko iryo jambo rihagarara ku kwizera umuntu afise. Uwariwe wese hakora ukwizera gusa.

Yeremiya 1:4-10 & 11-12 & 17 &19

Ijambo ry´Imana yaduhaye rifise ubushobozi bwose, ushobora kwugara cyangwa ukugurura no gukuraho ibidakwiye.

Nta kindi Imana yahaye Yeremiya imaze kumuhagara atari ijambo ry´ubushobozi.

Ntiyahawe izindi ntwaro z´isi  ariko Ijambo Imana ikoreramwo.

  • N´Ijambo rya Yesu Kristo riduha kurinda no guhinduka no gushiramanga.

2 Kor 10:3-5&8

Paul yavugako naho turi mu mubiri, abizera ntitugwana mu buryo bw´umubiri, tugwana mu buryo bw´umwuka arivyo bifise ubushobozi imbere y´Imana.

  • Ijambo ry´Imana niryo ryaje kuri Aburahamu abwigwa n´umumarayika w´Imana, riti umugore wawe umwaka ugeze aha uyu ugeze azoba yavyaye umwana w´umuhungu. Na Zakariya na Elisabeti mu busaza bwabo niko vyagenze.

Ijambo ry´Imana rirarema. Ku bw´Ijambo ryamanutse ku bwabo, haremeka ivyibwigwa n´ubwenge bw´abantu ko bitagishoboka, barama baravyara.

Imana iba mwíjambo ryayo kandi urifise we agira ubushobozi kuri vyose no ku vyiyumvigwa mu mitima y´abantu.

Matayo 16:16-20

Bikwiyeko tumenya neza Imana twakurikiye n´umwana wayo Yesu Kristo bihagaze mw´Ijambo ryayo.

2 Abami 6:15-19 & 23

Elisa yari afise Ijambo muri we kandi yizeyeko icasavye Imana cyose igikora. Knaid kuko nayo ihagararira Ijambo ryayo igaca ibishitsa.

Abanyefeso 6:10-11-13-16-17-18

Ivyo vyose ntahandi biri kandi tubimenyera atari mw´ Ijambo rya Yesu Kristo, ariryo Jambo ry´Imana.  Amen

Posted in Archives | Leave a comment

Kugendera mu bugombe bw´Imana biduhesha ubugingo buhoraho 10.10.2020

Ubutumwa bwa 10.10.2020

Kugendera mu bugombe bw´Imana biduhesha ubugingo buhoraho.

Imana yaturemye idufitiye umugambi mwiza kuri buri umwe. Ariko ku bw´icaha Adamu na Eva bakoze bituma uwo mugambi w´Imana utaba.

Iyo tugendeye mu bugombe bw´Imana haba agakiza k´ukuri, umunezero, amahoro, kugirirwa neza, umutuzo n´imigisha yose iva k´Uwiteka.

Ubwoko bw´Imana bwagize gutakambira Imana bari mu butayu (Kuva 2:23) Ab´Isirayeli batakira Imana, irabumva) ariko igihe Imana yari imaze kubatabara bagiye bahusha bakikorera ibyo imitima yabo yifuza atari ibyo Imana igomba.

Twibuke igihe bageze ku kiyaga gitukura bakabona abanyegiputa babakurikiye bahise bibagirwa ibyo Imana yari yamaze gukora baridodomba.

Kuva 14:11-13. Mose yarabahumurije kuko we yari azi ubugombe bw´Imana kandi akagira no kwumvira.

Kuva 33:15 Imana idushoboze kugira umutima wo kwifuza kuba icyo Imana ishaka no kwitandukanya n´abanyamahanga.

Vs 17: Imana itugirira neza iyo tugize imigambi myiza yo kubana nayo tukagira ubusabane nayo.

Iyo tugize uwo mutima, Imana iraza ikabana natwe.

Urugero bagiye babaza ikimasa barakiramya. Icyo gihe bakongeje uburakari bw´Imana. Ni kenshi iyo ubwoko bw´Imana butangendera mu bugombe bw´Imana habagaho ingaruka.

 Kuva 16: 1-30 Uwiteka aha Abisirayeli manu yari yabahaye amabwiriza yingene bazajya bayifata ariko barenga kuri ayo mategeko bibahindukira umuvumo.

1 Abami 2:3-4 Dawidi yariko araga umwana we kungendera mu bugombe bw´Imana ariko kumvira ibyo Imana yamwihanangirije ariko kugendera mu nzira zayo, kwitondera amategeko yayo nibyo yategetse, n´amateka n´ibyo yahamije nk´uko byanditswe mu mategeko ya Mose, kugirango abashishwe ibyo azakora byose aho azagana hose.

Nehemiah 13: Imana yahaye umutima ukunda Imana Nehemiya aritanga ndetse agira ishaka ryinshi ryo kugirango ubwoko bw´Imana bamenye icyo imana ibagombako.

Kugendera mu bugombe bw´Imana bituma tubashishwa nayo aho turi hose mu byo dukora byose.

Mu kugendera mu bugombe bw´Imana habamwo kwumvira. Ijambo ry´Imana ritubwira ko kumvira biruta ibimazi byinshi. (Zaburi 51:19)Imana ikorana n´imitima yejejejwe kandi igomba ko natwe niba dushaka kugira ubusabane nayo twame twiyeza, twirinda, turinda imitima yacu.

Imigani 4:23 Rinda umutima wawe kurusha ibindi byose kuko niho ubugingo bududubiza

Kugendera mu bugombe bw´Imana bituma twisuzuma tukava mu bidatunganye tukagendera mu kugororoka kandi tugakomera mu gakiza

Zaburi 15: 1-5 Ninde uzaguma mu ihema ryawe ryera? (Ninde uzagirana ubusabane nawe? Ninde uzabona ubugingo buhoraho?)

Vs. Kugendera mu bitunganye no gukora ibyo gukiranuka: kuvuga  iby´ukuri nkuko biri mu mutima. Imana idushoboze twibuke ko twasezeranye kuyikorera kandi iyo dushikamye ntagishobora kutunyeganyeza. Amen

Posted in Archives | Leave a comment