Ubutumwa bwa le 02.12.2021

Yesu Kristo niwe nkinzo yacu kandi niwe Mutabazi wacu

Uyu mwaka twinjiyemwo n´igihe cose kiri imbere, n´igihe umukristo wese akwiriye gufata Ijambo ry´Imana nk´ubuzima akwiye kubamwo nk´uwacunguwe, nk´uwatabawe, nk´uwatoranijwe kandi yatsindanishirijwe na Yesu Kristo umucunguzi wacu.

Naho ibibazo vyoza bimeze gute, mu buryo bwose bigukuriye hasi bizanye ibigwanishwa byose, Yesu Kristo azagutabara kandi abigukize vyose.

Itanguriro 26:1-5 & 12-14

Isaka yari impunzi yari afise ubwoba ku bw´umugore wiwe. Hateye inzara iteye ubwoba abantu barahunga, abandi barakena nabi cane. Ariko we, kuko yari kumwe n´Imana, ayobogwa n´Ijambo ryayo, aribwo buzima bwiwe, ihamuhera umugisha uhambaye, ubutunzi buhebuye aho abandi bakeneye bakanahunga.

Kuvayo 14:1-4 & 10, 13-16

Imana yacishije Abisirayeri mu nzira ikomeye cane, ibashira mu mbombane kugirango ize ihiyerekanire ubushobozi bwayo n´inkomezi zayo. Ko muri vyose ata na kimwe kiyinanira kandi ishobora kudutabara mu vyo ducamwo vyose no mu vyo dukeneye vyose.

Igihe cose Imana ibana n´abantu bayo ikabatabara. Nico gituma Yesu Kristo.

Igihe cose Imana ibana n´abantu bayo ikabatabara. Nico gituma Yesu Kristo yaje ari umukiza w´isi, abana natwe.

Yesaya 9:1-3 & 6-7 Gal 3:27

Yesaya yavugishijwe ico Yesu Kristo azoba canke abera canke azogirira abamwizera. Kuko haraho yaje kudukura naho aducisha niyo atujana. Kandi vyose uri muri we neza bigenda amahoro. Hamaho intsinzi, amashimwe n´intahe, kuko ari we abikora.

Nico gituma dukwiye kwihana tukabohoka gose mu Mpwemu no mu mubiri, mu mutima no mu mutwe, kuko kenshi umuntu agenda atsindwa ku bimurimwo bimuca integer bikamubuza kwizera agatinya. Be nivyo yaciyemwo yibuka bikamutuma yiheba, akanigwanirira agatsindwa.

Twambare Yesu Kristo we nkinzo yacu ariwe nyishu yacu muri vyose.

Abanyefeso 6:10-18

Iyo Yesu Kristo ari kumwe nawe ntugatinye ikintu na kimwe. Kuko niwe agusanga mu bugwayi, mu bibazo, mu bitero, akahagutabarira. Wambaye ibigwanishwa vyose vy´Imana. Amen