Ubutumwa bwo ku wa 17/ 06/2017
Kuba incuti y’Imana
Imana irashaka ko tumenya amabanga yayo nk’abana bayo ikunda. Tukamenya ingene twitwara munzira zayo no murugendo ruzodushikaka mw’ijuru. Tukanagira n’amahigwa mu buzima yaduhaye muriy’isi. Ntawundi ashobora kubitwigisha, akabitwemeza ndetse akanabidutahuza atari Mpwemu Yera. Kukwariwe atumenyesha ukuri kwose. 1 Korinto 10: 1-12 Abo ba ny’Isirayeli ntibashitse ku mugisha wabo Imana yari yabageneye kuko bataciye bugufi bakizera Imana yabo bayibonyeko ibitangaza vyinshi ndetse n’ibikomeye vyose yabakoreye nivyo yakoreye mugihugu yaribakuyemwo. Hamwe nuko yabaha ibifungugwa n’amazi vy’impwemu bivuye kuri ca gitandara arico Kristo Yesu. Ntibayumviye ngo bayubahe bakore ivyishaka, ahubwo bahindukiriye gukora ibibi no mu mitima yabo. Baherengeterera mu bugaragwa, atariwo mu gambi Imana yaribafiseko. Ntibemeye kurongogwa na ca gicu, ahubwo bahindikiriye ibigigwamana. Iyo ugenda urongogwa na Mpwemu ivy’umubiri birapfa, ingeso na kamere bigahinduka irari ry’isi rigashira. Ugasigara urigikoresho ciza c’Imana kuko wamenye ukuri . Kukakubera inkinzo n’icuma co kwikingiriza. Yakobo 4 : 4-10 Ubaye incuti y’isi aba abaye umwansi w’Imana. Kandi Mpwemu Yera yagererewe mu ri twebwe arapfuha. Nico gituma Imana igwanya abibona, ariko abicisha bugufi ikabaha ubuntu. 2 Samweli : 6: 10-12 Obed-edomu yatwaye isandugu y’Imana iwe, agira umugisha nabo murugo gwiwebose, bagira umugisha ukomeye. Kuko Imana yabana nawe. Dawidi bamaze kumubwira ko yagize umugisha nabo murugo gwiwe bose, acaja kuyikurayo, agenda aciye bugufi cane, atazira Imana mukuyikurayo. Kurongogwa na Mpwemu Yera no gukoreshwa nawe, n’ukurengera ivy’umubiri; ukagendera mu bushake bw’Imana. Ibituma tuba incuti y’Imana nuko turongogwa na Mpwemu Yera. Nawe akaba agendana nabafise imitima iciye bugufi, wizeye, kandi uyumvira ukanayubaha. Iyo biruko menyako ata muntu ashobora guhindura ic’Imana yakuvuzeko. Aharorero tworaba nka Yosefu ingene yaciye bugufi, akubaha Imana mumutima wiwe kandi ayizeye, akanka kwiyanduza, yumvira Imana muvyo yatugeze, bituma igihe kigeze iha umwami inzozi zimurandura umutima , bituma Yosefu agirigwa amahigwe yo kujwibukwa, baja kumukura mwibohero . Imana imwugururira imiryango y’imigisha yiwe, Farao amugira uwa 2 mugihugu. Kuko Yamubonyemwo umuntu adasanzwe w’umunyabwenge cane. Kuko Imana yarikumwe nawe. Reka natwe turongogwe na Mpwemu Yera niho bwenge azotubamwo akadukorera vyose. Kandi tukaba abakundwa b’Imana. Amen