Ubutumwa bwo ku wa 28.01.17
Tera intabwe mu kurondera Imana: 2017 n’umwaka wo gutabagwa.
Uyu mwaka n’umwaka w’intsinzi, ariko shiramwo gushaka, shiramwo inguvu kugirango ic’Imana ivuga c’agure ivyiyumviro vyawe. Hitamwo kwegera Imana kuruta uko wayegereye ubwa mbere. Urakeneye gufata cane Yesu Kristo ngumuzirikireko ubugingo bwawe. Kugirango ubone gutabagwa kurushirije uko wabonye ubwa mbere. 1 Samweli 5: 1-7 Gira gushira mungiro( w’Experimente ) ubushobozi bw’Imana yawe, mugusoma bibiliya kurusha uko wahora, no gushira mungiro ivyo wasomye, ijambo ryayo. Kugirango za Dagoni zikubitwe hasi mu bugingo bwawe, mu rugo rwawe, mu bana bawe, mukazi kawe,….Luka 18: 35-43. Iyo mpumyi naho itabona yarumva. Naho bayizibiza, yagize intambwe ahubwo yo kuvuga caaaane, ikarenza ijwi gushika naho Yesu Kristo amwumva ati nibamumuzanire. Araheza aramubabarira aramukiza. Kuko naho atabona yaravuga yakoresheje icashoboye. Bwira Yesu Kristo uti uyu mwaka ndashaka kunywana nawe. Nibihe wumva uniganamwo mu mutima wawe?? Emera gutambuka intambwe . Harivyo Imana yakwiyerekeyemwo ugomba kugumamwo, ukabona ko bikwiye kuguma ngaho, ariko Yo iragomba kutambuka iyindi ntambwe kugirango nayo ikugeze kurundi rugezo. Mpwemu Yera idukura kuntambwe idushira kuyindi. Kugirango Imana igukorere ikindi kintu gisha. Yaco ubona ivyo wakoze kera akaba ariyo mvugo yawe ahubwo injira kuyindi ntera, mugukorera Imana no mugushitsa ijambo ryayo. 1 Abami 9 : 4-5 Salomo naho yari yahejeje kwubaka ingoro yizina ry’Uhoraho, agasenga Imana ikamwumva, Ikana mubwirako izoyihozako ijisho. Ariko yamubwiye ngwakomeze kuyikorera nkuko se Dawidi yabikora, agendere mu vyagezwe vyayo, atabikoze uko akabivamwo nayo izomuheba ndetse niyo ngoro iyishiburire kure. Kuko kugira intabwe mugukorera Imana werekana urukundo ukunda Imana, kuko Uhoraho ashaka imitima yacu, ntashaka ibintu. Twarabonye abahizi benshi bagiye bagira intambwe mukugira ico bakoze barondera Imana, kandi barayibona n’abandi bagatabagwa. Akarorero ba Mose, Ester, Alisa yanka kuva inyuma ya Eliya n.abandi…. Ntaho Imana izokugeza idakoresheje ijambo ryayo. Igihe cose rije rinyuranya n’ubwenge bwawe. Kandi si bose bategerezwa kukwumva, hari naho batazonakwumva, kuko ishengero ry’Imana ntiryubakiye kwitegeko rya benshi ahubwo ryubakiye ku guhishurirwa. Ijambo ry’Imana riratubwira ngo bamwe barondera agakiza mu bwenge no muri za philosophie, ariko yo yakazanishije ubupfu bw’Umusalaba. Igihe cose bazorondera agakiza karimwo ubwenge bazotabagwa n’agakiza kubupfu bw’ububwiriza. Ivyak. 4: 13-21. Abayuda basuzuguye aho Yesu Kristo yavukiye ndetse n’urupfu yapfuye. Bakandika ku musalaba ngo Umwami w’Abayuda, arukwitwengera kuko mubwenge bwabo batabitahura, nivyo bamubonako vyose ntibagira ikibanza muribo co kuvyakira. Imana yashimye gukirisha amahanga ubusazi bwo kwizera, kugirango imaramaze abanyabwenge n’abahanga. Petero iyo atagira iciyumviro co gutambukira mumazi akaguma mu bwato ntiyari kuyagenderako. NB: Nawe har´ico Imana igomba ku gukoresha ngo igushitse ku rundi rugezo. Amen.