Imigambi y’Imana ni myiza ku bana bayo 30.01.2016

Message du 30/01/2016

 

Imigambi y’Imana ni myiza ku bana bayo.

Imana yo mw’ijuru yerekanira ineza yayo mubo yatoranije. Kuko imigambi y’Imana arukugirira neza ubwoko bwayo no ku bahezagira. Kuva Imana irema abantu , ikarema ubwoko 2, yarabahezagiye, ibabwira ngo barondoke, buzure isi, ndetse banayiganze, n’ibiri muriyo vyose. Itanguriro 1: 27-29. Yarakunze abantu barayita, barayiheba, ariko yo ntiyabataye. Abantu bagiye bakomeza gukora ivyaha, bibabaza cane umutima w’Imana, ariko kubw’urukundo ikunda abari mw’isi, ihitamwo kwitoranyiriza Ubwoko bwitirigwa izina ryayo, aribo banyamugisha. Gusub. Vyag. 10: 15 Ngo bamubere ihanga yitoranirije, Itoranya sokuruza Aburahamu n’uruvyaro rwiwe. Niho mugihe Imana yakura ab’Isirayeli mugihugu ca Egiputa, Imana yaribariye umusavyi wayo Mose, izina ryayo kwar’Uhoraho, Imana yuzuye ubuntu n’imbabazi, arumwizigigwa, iteba kuraka ikagira ikigongwe cinshi, iharira abantu ibihumbi n’ibihumbi. Kwiharira ibicumuro, ibigabitanyo n’ivyaha. Ariko ntiherereza urubanza kutarufise. Ihora abana ibigabitanyo vyaba se, Kuvayo 34 : 5-8. Imana yatugize ihanga ryera, itugira abanyamugisha, iraduhezagira, iduha ijambo ryayo kugirango kugirango turigenderemwo, kandi uzogendera muvyagezwe vyayo akabishitsa, akabikurikiza, akubaha Uhoraho Umwami Imana, iyo migisha yose izomushikako. Gusubir. Mu vyag. 28: 1-14 Nico gituma agakiza Imana yaduhaye dutegerezwa kukumirako, tukakazigama, tukakarinda kuko niko duhezagirigwamwo, tukaronka imigisha iva mw’ijuru. Hakaba uburinzi kuri twebwe abizera. Naho umuntu yoca mungorane zikomeye gute, guma ku Mana yawe, ingorane ntizihindura amasezerano yawe, ahubwo zikomeza ukwizera kwawe. Akarorero: Yosefu yabanje gutabwa mugishimu, yongera adandazwa kwa Potifari gushumba, muri Egiputa, imbere yuko ic’Imana yavuze kimubako. Dawidi yabaye mu masenga y’amabuye kenshi, ahunga saouli, imbere yuko ashikira amasezerano yiwe. Hari benshi babivamwo, canke bakumva bohindura inzira,bakavuga ngo satani yampagurukiye, ariko arinzira z’Imana. Imana irakubwira ko ikorera mukwihangana, no mukwizera twiyejeje, inyuma yivyo hakaza imigisha ivuye mw’ijuru. Imigambi y’Imana ntica mu bimeze neza gusa, ishobora guca mu bikomeye, ariko igikuru nuko ishika. Niho uronka ico uzosigarana abana, ukavuga Imana uzi neza, yagusanze canke yagukuye, ndetse yagutabaye ahakomeye cane, abana bawe canke abushingira intahe bakayikunda bakayizera, ndetse bakayirondera. Imana ntikubwira inzira zayo kuko ntiziserangurika, ariko ikubwira imigambi yayo kuri wewe. Ps 25: 4-5 Nico gituma igitabo ceranda citwa inkuru nziza, kuko niho tumenyera imigambi y’Imana kubana bayo. Amen.

This entry was posted in Archives. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s